مصطلات بنات و شباب جدة

سلالالالالالالالالالالالالالالالالاموووووووو

طبعا جدة حبيت اعرفكم على بعض المصطلحات اللي يقولها دايما

شباااب وبنات ومايقدر يستغني عنها وجمعتلكم مصطلحات يوميه فله لشباب وبنات جده..

نبدأ :

أبو كلب
دي الكلمه تنقال لما في شي مايعجبك يعني زي> لمن يكون جوالك قديم ومعدوم العافيه زي برج العرب تقول عليه جوال أبو كلب> > >

أطبعوا
ههههههههههاي من الألفاظ المضحكة جدا وتنقال لمن شخص ما يسمعك ويسأل
ايش قولت وماتعيد الكلام تاني فتقوله اطبعو



أل << ياحوبي فيها ال التعريف

انتشرت بشكل رهيب اضافة ال التعريف من باب المبالغة في الفترة
الاخيرة زي مثلا لمن تشوف واحد غشيم تقول مو بس غشيم الغشيم << ككككككككاي
ما رح يفهمها الا اهل الحجاز بصراحه لانها تتنطق بطريقة مميزه

إنبراش
يعني دخل غلط وسط الكلام وسط اللعب ولا لمن يكون الكل ساكت ويجي واحد يقول كلام ماله داعي..<< افهموها باي شي يجي معاكم


بلف
:هههههههههه من اضحك المصطلحات بصراحة طبعا تعرفو البلوف
معنى انه شخص ينبلف يعني انه يسوي الشي بسرعه بدون تفكير مثلا لو
شاف صاحبه اشترى سياره جديده وعجبته على طوول جاب وحده من نفس النوع هنا
نقول انه بلف ينبلف بسرعة ولمن يكونو اتنين بيتضاربو
ويجي واحد يحرش نقول انبلف ..


تشبيك
ودي الكلمة معروفه وانتشرت بمختلف ارجاء المعمورة ومعناها انه لمن
واحد يقول انا شبكت فلانه يعني انا خليتها تعجب فيا وتحبني ولا
تكلمني وزي كدا يعني رقمتها..


تغريز
يعني مثلا تقول غرزت عند فلانه يعني وقعت في دباديبها خخخخخخخخ او تقول فلانه غرزت عندي يعني وقعت في
دباديبي


جنط
الكل يعرف جنوط السيارات طبعا لكن اليومين دول برضو صار للجنط
معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..

دافور او دافوره
يعني مو شاطر الشاطر .. وحق كتب مدرسه وطول الوقت مغرز قدام الكتاب
يعني من دي الحركات

دعس << خطيرا الكلمه دي
لمن مثلا يجي احد يقولك تيجي نروح التحلية ترد عليه وتقول والله دعس
يعني يلا معاك

شاكوش او شكاوشه
يعني لما يكون في ولد مو حلو اوبنت مو حلوه نقووول عنها بنت شكاكوشه .. هعهعهعهع


شباب في رحله
زي مشي حالك لمايكون في شي مو تمام او سار شي مو تمام نقوول عادي شباب في رحله

صاروخ
خخخخخخخ معناها لما يكووون في بنت حلووا نقووول صاروخ

طقطقه
تقولها لما تبى تتونس على على راس احد وتستعبط علي >> زي امشي نطقطق على فلان


ماعندك احد
هههههه كلمه فله ولمن مايكون عندك هرجه
وتنقال للشي اللي مو تمام

كاي
تقول كااااااي بصوت عالي وتمد الألف وهادي هيا ضحكة الشباب الجديدة ويضحكوها وقت التريقة والشماتة << زيي حالاتي حنفررش شكلي من اهلي من كتر ماقولها خخخخخخخ

هبقه
مراااا حلووا يعني شردا او هربانين

يعطيييييييييييييييك
خطيرراااااااااااااا دي الكلمه بصراحه يعني لما بتشجع احد على شي

يلعن ام الفله
.. وهادي من
الكلمات الي ممسكا معايا غلط ...
يعني لما يكووون في طلعه حلوااا ومع ناس فله

امووو
يعني مثلا مين فين لأمو حلو ..

فوكنا ..
يعني تكون مافيك و واصله معاك على النهايه ..
واحد مطفشك تقولو ياشيخ فوكنا ..
فوكها ..
هههههههههههاي هادي المره هوا حيفكها ..
لمن الواحد تكون اخلاقو زفت ومررره طين ..
تقولو ياشيخ خلاص فوكها

قويه ..
لمن يسير شي مو عاجبك ولا شي كده مو زي الناس ..
تقول قوييييييييييييه بشد الياء

كووووووول ..
وتنقال على أي شي يعجبهم ..

جييييييد ..
بشد الياء .. لمن يعجبك الشي قول جيييييييد ..

بااااااااد ....
لمن تشوف امر مو حلو ولا ولد سيء منظرو يقولو عليه باد .
بمد الالف ..

هيااا خير << دي حلوووو
لما يسير شي مفاجيء ولا يكون في حاجة غريبة كدا يقولو
هيااااا
خيييييييييييييير

اخرشها ولا اصرفها
دي لما تكدب ولا تبى تكدب تخرشهاااااا صح ولا تصرفها

يجي
لما يكووووون في شي حماااااااس تقول يجي

اسري او سريييييييييي << على لساني زي العسل
زي اقلب وجهك يعني حل << او شي من هاذا القبيل

بيئه
سبحان الله كانت قبل فتره خدمي او خدمكو

موووز او مووزه
لما يكون في ولد حلو او بنت حلواا نقول مووزه



مع نفسك
يعني لو احد يقولك امشي نلعب او نسوي أي حاجه تقوله مع نفسك يعني سوي الشي دا لوحدك


( مقتبس من كم موضوع وبعضو من عندي ) الموهم جمعتلكم هوا
خلالالالالالالالالالاص تعبت وربي
يالله ارائكم ياحلوين

هيااا سلام

شكرا على المرور
أبو ليان