علمتني كيف احب بس ماعلمتني كيف انسى...

زائر

علمتني أكتب حروف الحب بدفتري
وأفهم معانيها
واخترتك تكون محبوبي
وكنت اروع من شرح معانيها

واليوم في بعدك تلاشت حروفي
والورق تلاشى منه الحبر والي فيه انكتب
وبقى حبك بقلب ما يعرف النسيان

علمتني انت حروف الحب
ونسيت تعلمني لا فارقني الحب
كيف يحضني النسيان؟؟
ووكيف أصارع نار الأشواق بغيابك

الشمع من اللهب يميع
وقلبي شمعة حبك اللي من بعدك يضيع

يعني انتا تعلقني وترميني على كيفك
مثل القارب الي غدرت فيه الأمواج
يوم ابتسم له البحر وناداه واخذه بالأحضان
وعقبها صار عود من الخشب يسبح بالبحر حيران
مثلي انا يوم ناديتني بحبك
وتركتني عقبها بقايا انسان

ذبحني الحنين وعذبني
كل ما أحاول اغيب فيك يذكرني
ياليت قلبي يقسى وينساك ويريحني

ياليتك اليوم مثل الامس تجيني وتقول
أحبك يا اغلى انسان بالوجود
الي صار خطى وماهو مقصود
وتمسح بيدك دمع على الخد مصبوب
وتعيد بالدفتر رسم الحروف
وتداوي بقلبي كل الجروح

لاكن حسافه من عقب الوفا
تروح وتنسى وتخون
مثل الطفل من عقب الصبا
يكبر ويشيب ويموت

كلهـــــــــــــــــــــــــــــــا
تبقى لنا ذكرى
وتحكي لنا اللي مضى
وتعيده مثل ما ينعاد صوتك بالصدى

لو على النسيان صدقني بنسى
بس وش حيلتي لاصارت تعاندني الذكرى
علمتني اول حروف الحب
وكنت انت محبوبي
وهجرك كان اول جرح
وصرت انت دموعي

حضنتك امس واليوم احضن جروحي
واذا قدرت انت تنسى وتغيب
مانسيت انا جرحك ولاهو عن قلبي بيغيب

كل ما قلت الآآآآآآآآآآآآآآه تذكرت انا فيها
وكل دمعة حزن اشوفك انا فيها
وكل نظرة قهر ترتسم انتا فيها

علمتني حروف الحب

علمني كيف عليها اقسى؟

علمني كيف لها انسى ؟

مما راااااق لي

تحياتي

سكون

أحبك يا اغلى انسان بالوجود
أحبك كلمتي
و رضاكي هدفي
و حضنك منايااا
تحياااااااااااااااااااااااااتي لكي
يا أجمل إنسااانة